الشباب<احوالهم وتفكيرهم وتصرفاتهم>

*السلام عليكم ورحمة الله وبركاته*

اولا احب اعرفكم بنفسي انا فتاه مصريه تعبر عن بلدها وعاداتها هنم عن الشباب في موضوعي وياريت تقولولي رأيكم سواء شباب او بنات مش هطول عليكم.

اليوم نحن نعيش عصر الانترنت والدش والاقمار الصناعيه عصر السرعه والتكنولوجيا ومنذ ان اقتحمت حياتنا هذه التطورات العظيمه وانقلب الحال وتغير بعض الشباب فبدلا من ان يستفيدوا من هذه التكنولوجيا اساؤا استخدامها فهي غيرت احوالهم وتفكيرهم بمعني.....

الشاب اليوم يعيش بمنطق الروشنه الطحن يطلقون المسميات والمسميات التي لانفهم منها شيء ولكنها في اعتبارهم هي لغه العصر ومن يجهلها يعتبر منذ قرن فات .

فلنلقي نظره علي الشاب اليوم في البيت وفي الشارع ..في البيت عايش دور غير دوره يعني السلطه والتحكم مع وجود الاب ...ولكن تعالو نخرج معاه للشارع هنشوف صوره تانيه هنشوف الشاب الروش الطحن الشاب الاستايل الشاب السبايكي مع وجود بعض السلاسل والاساور هذا هو رجل المستقبل هو الذي يبني الشعوب والذي يعتمد عليه.

تفتكروا تفكير شاب بالوضع ده هيكون ازاي؟

هقولكم الشاب ده تفكيره صغير محصور بين الدراسه والنت والبنات يدخل علاقه ويخرج من الاولي وغيرها وغيرها ده طبعا غير النت والشات ولما تسأله عن مستقبله هيقولك هو في شغل انا هخلص وهعلق الشهاده علي الحيطه وهقعد في البيت وابويا يصرف عليا وفي البعض يقولو هنسافر نشتغل ونعمل قرشين حلوين واجي اتجوز واعيش ملك

الشباب مش عاوزين يتعبوا عاوزين كل حاجه بالساهل وبيضيعوا عمرهم في تفاهات انقذوا نفسكم قبل الوقت ميجري بيكم وتقولو ياريت الزمن يرجع بيا تاني كنت هعمل حاجات كتير بلاش نستسلم ياريت نبقي اقوي من الظروف نستحمل ونصمد اكيد هنوصل .....

بس مش معني كلامي ان الشباب كلها كده في ناس جاده وعارفه مسؤليتها وواجباتها ياريت محدش يزعل مني بس ده رايي ....هنتظر ردكم ورأيكم